Marguerite de France par Francois Clouet (Janet)
| Ecouter la version chantée par l'ensemble Métamorphoses de Paris Compositeur : Antoine de Bertrand - Diffusé par DEEZER - |
Pierre de Ronsard - (1524-1585)
Telle qu'elle est
dedans ma souvenance
Telle qu'elle est, dedans ma souvenance
Je la sen peinte, et sa bouche, et ses yeus,
Son dous regard, son parler gratieus,
Son dous meintien, sa douce contenance.
Un seul Janet, honneur de nostre France,
De ses craïons ne la portrairoit mieus,
Que d'un Archer le trait ingenieus
M'a peint au coeur sa vive remembrance.
Dans le coeur donque au fond d'un diamant
J'ai son portrait, que je suis plus aimant
Que mon coeur mesme. O sainte portraiture,
De ce Janet l'artifice mourra
Frapé du tans, mais le tien demourra
Pour estre vif apres ma sepulture.
