Ecouter sur DEEZER Compositeur : Richard Wagner Interprète Thomas Hampson |
Ecouter sur DEEZER Une version moderne de Monique Morelli |
Pierre de Ronsard - (1524-1585)
Mignonne Allons Voir si la Rose
À CASSANDRE
Mignonne, allons voir si la Rose,
Qui ce matin avoit desclose
Sa robe de pourpre au Soleil,
A point perdu ceste vesprée
Les plis de sa robe pourprée,
Et son teint au vostre pareil.
Las ! voyez comme en peu d'espace,
Mignonne, elle a dessus la place
Las, las, ses beautez laissé cheoir !
Ô vrayment marastre Nature,
Puis qu'une telle fleur ne dure
Que du matin jusques au soir !
Lors, si vous m'en croyez, Mignonne,
Tandis que vostre âge fleuronne
En sa plus verte nouveauté,
Cueillez, cueillez vostre jeunesse :
Comme à ceste fleur, la vieillesse
Fera ternir vostre beauté.