Choeurs Guillaume Bony / Jean Teixeira - Compositeur : Guillaume Costeley
| Ecouter sur DEEZER Interprétation : Egidius Kwartet Composition : Jean de Castro |
| Version homophonique Interprétation : Christiane van Acker Composition : Adrian Le Roy |
Pierre de Ronsard - (1524-1585)
Las ! je n'eusse jamais pensé
Las ! je n'eusse jamais pensé,
Dame qui causes ma langueur,
De voir ainsi recompensé
Mon service d'une rigueur,
Et qu'en lieu de me secourir
Ta cruauté m'eust fait mourir.
Si, bien accort, j'eusse apperceu,
Quand je te vy premierement
Le mal que j'ay depuis recue
Pour aimer trop loyalement,
Mon coeur, qui franc avoit vescu,
N'eust pas esté si tost vaincu.
...
Chanson, les estoilles seront
La nuict sans les cieux allumer,
Et plustost les vents cesseront
De tempester dessus la mer,
Que de ses yeux la cruauté
Puisse amoindrir ma loyauté.
