| Ecouter sur DEEZER Composé et interprété par Benoit Dayrat |
Charles d'Orléans - (1391-1463)
Rondeau CCXL
En verray je jamais la fin
(Retour de mélancolie)
En verray je jamais la fin
De voz euvres, Merencolie ?
Quant au soir de vous me deslie,
Vous me ratachez au matin.
J'amasse mieulx autre voisin
Que vous, qui si fort me guerrie.
En verray je jamais la fin
De vos euvres, Merencolie?
Vers moy venez en larrecin,
Et me robez Plaisance Lie ;
Suis je destiné, en ma vie,
D'estre tousjours en tel hutin ?
En verray je jamais la fin ?
