Interprété par l'ensemble vocal Apostroph' - Compositeur : Reynaldo Hahn
Charles d'Orléans - (1391-1463)
Un loyal coeur
Le trouveray je jamais
Ung loyal cueur joinct au mien,
A qui je soye tout sien,
Sans departir desormais ?
D'en deviser par souhais,
Souvent m'y esbas ; et bien,
Le trouveray je jamais
Ung loyal cueur joinct au mien ?
Autant vault se je m'en tais,
Car certainement je tien
Qu'il ne s'en fera jà rien ;
En toute chose a ung mais,
Le trouveray je jamais ?
