| Ecouter sur DEEZER Interprétation : Ensemble Clément Janequin Composition : Antoine de Bertrand |
| Ecouter sur DEEZER Interprétation : Métamorphoses de Paris Composition : Antoine de Bertrand |
Pierre de Ronsard (1524-1585)
Amour archer
Amour archer d'une tirade ront
Cent traitz sur moy, et si ne me conforte
D'un seul espoir, celle pour qui je porte
Le cuoeur aux yeulx, les pensers sus le front.
D'un Soleil part la glace qui me fond,
Et m'esbays que ma froydeur n'est morte
Au feu d'un oeil, qui d'une flamme accorte
Brulle mon cuoeur d'un ulcere profond.
En tel estat je voy languir ma vie,
Qu'aux plus chetifz ma langueur porte envie,
Tant le mal croist et le cuoeur me deffault:
Mais la douleur qui plus comble mon ame
D'un vain espoyr, c'est qu'Amour et Madame
Scavent mon mal, et si ne leur en chault.
