| Interprétation : Ensemble Gilles Binchois Composition : Gilles de Binche (~1400-1460) - Diffusé par DEEZER - |
Auteur inconnu (XVe siècle)
De plus en plus
De plus en plus se renouvelle,
Ma doulce dame, gente et belle,
Ma volonte de vous veir ;
Ce me fait le tres grand desir
Que j'ai de vous ouir nouvelle.
Ne cuidies pas que je recelle,
Comme a tous jours vous estes celle
Que je vueil de tout obeir.
De plus en plus se renouvelle,
Ma doulce dame, gente et belle,
Ma volonte de vous veir ;
Helas, se vous m'estes cruelle,
J'auroie au cuer angoisse telle
Que je voudroie bien morir ;
Mais ce seroit sans deservir
En soutenant vostre querelle.
De plus en plus se renouvelle,
Ma doulce dame, gente et belle,
Ma volonte de vous veir ;
Ce me fait le tres grand desir
Que j'ai de vous ouir nouvelle.
