Alain Chartier
| Ecouter sur DEEZER Interprété par l'ensemble Gilles Binchois Composition : Gilles de Binche |
Alain Chartier (vers 1385-1449)
Triste plaisir et douloureuse joye
Triste plaisir et douloureuse joye,
Aspre doulceur, desconfort ennuieux,
Ris en plorant, souvenir oublieux,
M'acompaignent, combien que seul je soye.
Embuchié sont, affin qu'on ne les voye
Dedans mon cueur, en l'ombre de mes yeux.
Triste plaisir et douloureuse joye,
Aspre doulceur, desconfort ennuieux.
C'est mon trésor, ma part et ma monoye
De quoy Dangier est sur moy envieux
Bien le sera s'il me voit avoir mieulx
Quant il a deuil de ce qu'Amour m'envoye.
Triste plaisir et douloureuse joye,
Aspre doulceur, desconfort ennuieux,
Ris en plorant, souvenir oublieux,
M'acompaignent, combien que seul je soye.
